尼個行程，原本係舊年暑假時去的，但由於細佬好不幸整傷隻腳，一個月留院，老婆負責睇住照顧細佬，原本一家四口的Ocean Park 之旅，變成我同大仔兩仔爺之旅，今次，細佬終於有機會同我地一齊參與，可喜可賀。
同細佬出門去旅行，可以講係一波三折，去年Ocean Park之旅整親腳去唔到，到聖誕節時訂晒機票酒店去玩，在臨出發前一晚細佬發燒臨時冇得去，今個新年一家人去別墅玩兩三天，細佬出發時還是好好的，當晚就發高燒，好在還是精精神神的，經過多次經歷，今次細佬健健康康的跟我地一齊出去玩，實在令我太感動了。
兩日一夜既 Ocean Park 之旅，一天不停落雨，另一天好天氣到不得了，第一天，從澳門搭船到香港後，入到酒店剛好兩點多，細佬眼瞓要眠一眠，我地就在酒店hea 一陣，飲杯咖啡，都唔錯吖。
大約5點多，細佬瞓醒，於是決定入Ocean Park 行過圈，玩少少野（由於今次 package係兩日套票，所以可以 hea玩Ocean Park），去到Ocean Park 正是毛毛細雨中，要開遮，雖然有點唔方便，但發現有另一好處，可能時間較晚，又落雨，園內人流稀少，搭纜車，唔駛排隊，去鯊魚館，又接近包場，浚浚哥哥開心到不得了，在鯊魚館內不停追蹤鯊魚，尼個情景真係好難得（記得上次同浚浚去多人到要抱起浚浚先睇得到），好正。由於時間關係，只夠我地睇一個館，於是就搭的士出去醫肚，當然係大家鍾意食既日本野啦，食完野就返酒店休息
第二日起身，浚浚哥哥第一件事就係拉開窗簾，嘩！不得了，有太陽，正。在酒店食左早餐後，上房執埋野check out，寄存行李後，出發尼日 Ocean Park之旅，有太陽，真係感恩，今日既活動真係好順利，只不過係人多Ｄ，但好在尋日搭左纜車，今日唔駛浪費45分鐘時間等排隊，個個都玩得好開心，兩兄弟又食左唔少零食，大家都好似唔怕肚餓咁，係園中都冇入餐廳食野，細佬又唔知係唔係太興奮，瞓左十多分鐘醒左唔肯瞓，鬼打咁精神，之後辛苦左老婆抱住佢瞓左個幾鐘，都幾攰架，辛苦晒你，同家人一齊去旅行感覺真係好，有機會再去。
唔講咁多喇，去片, 慢慢欣賞。
多謝欣賞
沒有留言:
張貼留言