忙碌的2015三月份

今年的三月份感覺額外繁忙，尢其是子浚，可以話活動一蘿蘿，浚浚哥哥在二月底放完新年長假期後，剛好在3月1日上學，在三月的短短四星期裡面，除了學校的考試及K3運動日外，在三月份浚浚哥哥做左人生兩個既第一次經驗，就係有份參加小提琴演奏同埋街舞表演，作為父母既我們，比浚浚哥哥參加唔同種類既活動，唔係想爭取表演機會，而是想子浚從參與活動中學習堅持及忍耐，對浚浚哥哥來說，是學校教育以外好好的一課。

不論浚浚哥哥的表現如何，只要盡了努力，就是好的結果，I'm proud of you, Alfred.

又係時間回顧下浚浚哥哥忙碌既三月份喇！

活動一)  在文化中心參與 "樂韻傳萬家音樂會"

浚浚哥哥在 K1 時開始接觸小提琴，最初原意是想好動活撥既浚浚哥哥，在參加比較文靜既興趣活動上，培養出專注的方法，但在參加小提琴班不久後，子浚對我說，爹爹，小提琴都唔好玩架，我唔係好鍾意，作為父母的我們，要即時配合 stop 尼項活動，還是強迫子浚去參與呢？

當時我地同浚浚講，你而家只學左拉小提琴幾個單音，好可惜，不過你唔鍾意我地迫你學又唔好，不如我地做個承諾，如果你能夠學習小提琴拉到一首歌，就比你自己去決定，就係咁，子浚對小提琴的學習態度改變左，比較有點心機 ( 當然都有心散時刻 ) 去學習拉小提琴，終於果然學習到拉佢既第一首歌 (瑪莉有隻小綿羊)，仲有機會參加了學校既表演，就係尼次表演，增強左浚浚哥哥既自信心，表演後，我地問浚浚，你好叻，果然學到識我拉一首歌，好啦，比你決定繼唔繼續學，竟然，答案係................ 再試下啦，一試就學到現在 K3了，雖然拉得唔係好叻，但學習了堅持，在 2015年3月21日晚上8點多子浚你在台上表演既一刻，雖然我只顧著幫浚浚哥哥影相，其實，我有聽你拉的，你好叻，爹爹好感動，好驕傲，好想記錄你既每一刻，尼個係我地好好既回憶，好啦，去片................

活動二)  參與  TDMS Showcase 的街舞表演

在參與小提琴表演後一星期，在 2015年 3月29日星期日，又出現左浚浚人生上另一個第一次，參加街舞表演，在1月份起參加尼項活動，到3月底時，一班5 - 6歲既小朋友，只係學習三個月既街舞，又不怕怯場的去參加表演，真心叻，你付出的努力，我地睇到的，希望浚浚你既人生繼續精彩，大放光明，發熱發亮。

活動三)  學校的 K3 運動日

學校一年一度既運動日，過去兩年都係天氣關係，要係學校的室內場地舉行，今年剛好在浚浚哥哥幼稚園生涯上最後一年，終於有機會參加在操場上舉行既運動日，或許是上天既對你們既愛護，得以順利進行，當然，尼個係你人生中幼稚園生涯上最後一次運動日，爹爹當然會幫你記錄啦，同埋最緊要學習到嬴並不是最重要既東西，體育精神先緊要。

子浚哥哥，你在爹爹既心裡面，已經是第一名了，你要好好努力，學習好做人的道理，永不言敗既精神。