2015戀戀沖繩-親子家庭篇DAY1

今次旅行特別有意義，一家人一行6大2小一齊去5日旅行，別有一番風味，感覺亦不錯。

7月27日（星期一）

晨咁早7:30船，由澳門直接去香港機場，都幾方便。由於我地11:20機，黎到機場，首要任務梗係幫細佬換片，然後再去醫肚，好快好快就上機了，今次特別緊張，因為細佬第一次搭飛機出門，以前幾次都出發前發燒去唔到，今次終於打破宿命，順利起行，YEAH…..

   

 

機上哥哥睇電影，好在細佬亦瞓一覺，最GOOD配搭，唔經唔覺，2小時多機程到達，望出去 – 藍天白雲，好天到無朋友，GOOD。

 

第一日行程，其實冇咩，有老有嫩，唔可以咁博，慢慢玩，慢慢嘆，去唔晒第日再GO GO GO；步出機場，雖然陽光猛烈，成30度，但都冇澳門咁熱，我地一家人走去旁邊單軌站塔細佬超鍾意既小火車，出發前往牧志站 (大約16分鐘車程，好近) 去今晚住既 Hotel Check-in 先，今次住4晚中，第 1同埋第4晚同一酒店，中間2晚沙灘酒店。

 

 

在市區中住既酒店就係國際通大和魯內酒店 (Tel: 98-868-9055)，出牧志站沿天橋步行1分鐘到，超方便，日本既酒店房對面積唔好有太大寄望，但勝在尼間都幾新，樓下亦就係國際通，食野買野完全冇難度。

國際通大和魯內酒店簡評：
房間面積：＊＊＊（日本酒店不能存有太大寄望值）
裝修及潔淨度：＊＊＊＊＊（房間雖然唔大，但勝在齊全，仲有空氣淨化機）
服務：＊＊＊＊＊（前台接待人員態度親切，懂簡單英語，住房期間有BB車借用）
交通：＊＊＊＊＊（機場站至牧志站16分鐘，就算坐的士去機場都係 ¥2000內，酒店附有停車場，自駕亦OK）
附近購物飲食：＊＊＊＊＊（酒店樓下有商場，24小時便利店，酒店步行1分鐘到國際通）

　

放底行李，睇睇錶，快6點，開始肚饑，逛去國際通醫肚，哥哥黎到第一時間已經嘆沖繩特有既軟雪糕，真識嘆，行左陣。BLUE SEAL雪糕店（評 ＊＊＊＊）
  

　　

　

沿途唔少野食，令人眼花撩亂，最後搵左間烤肉放題既餐廳，都唔錯，味道都GOOD，飲品又無限量供應 (包括梅酒, 果汁等)，唔經唔範食左接近兩個鐘。

　

　　

        
飯後緊係逛下國際通啦，順便當消化下，在返酒店前，去左LAWSON買野返酒店嘆。

　　

　

　

 第一日既行程就咁輕輕鬆鬆地完成。