起身第一件事, 當然又係打開窗簾, 正, 都是陽光好好, 洗面換衫後, 今天的早餐在酒店內吃 breakfast buffet, 最合老婆及浚浚口味, 問心講, 個酒店 breakfast buffet 真係幾正架, 食完早餐後, 當然, 唔浪費時間, 出發, 今日行程如下：
明治神宮 --- 原宿竹下通 --- 原宿 GAP專門店 --- 新宿 (買野及吃回轉壽司) --- 回酒店
第一站, 明治神宮, 記得對上一次去是19年前了, 是同大學同學一齊去, 今次同老婆囝囝去, 感受又唔同, 去明治神宮也好, 讓囝囝了解日本人祈福既地方及傳統, 走入去時也要走上半小時既路, 兩旁種滿樹, 空氣清新, 吸收新鮮空氣之餘又當作做運動, 唔錯, 沿路我地都影左唔少相.
入到去, 當然入鄉隨族, 學學日本人入神宮前潔淨雙手先, 之後, 老婆同囝囝在祈福牌上寫著不同既願望, 我偷看到有身體健康既字句啊, 祈福後, 逗留了一會, 還看到有日本人結婚既儀式啊, 之後繼續下一站 ---- 竹下通.
去竹下通前, 見到章魚小丸子及紅豆鯛魚餅, 當然要吃下正宗既先得, 嗯, 好好味, 好足料, 在寒冬天氣下食小食, 感覺最正, 我地三口子坐在等巴士的亭上先品嚐我地既小食, 之後就去竹下通了.
去到竹下通, 嘩! 多人到呢……, 真係又多人又迫, 超旺, 其實都唔少野睇, 要行街續間睇, 三小時都唔夠, 今次老婆只是買了少少東西, 無計, 大少重要D, 但都逗留一個鐘有多了, 但最開心當然是浚浚啦, 又有糖食, 睇下幾滋味.
行完竹下通, 係時候又去醫肚, 今次找左間烤肉店食野, 老土D都係哥句, 好好食, 唔通真係去旅行食野特別好食, 可能心情靚D食咩都好食D, 哈哈…..
食完出來, 嘩! 又係超多人, 是非一般的超多人, 而是超級超多人, 無計, 表參道是原宿好旺好旺既街, 我眼前望向街道盡頭, 只係見到人頭, 冇左條路面, 我地三口子去了原宿些橫巷去睇, 又係條買野既街啊, 吃飽當散步, 但少爺仔飯氣攻心, 我只好做個力士, 當作減肥都好, 唔經唔覺, 抱左個幾鐘, 其實都幾重, 雙手震晒, 但講你都唔信, 抱住囝囝逛街既我, 都買到一對鞋啊, 當然, 有好好老婆及店員幫手, 反而, 老婆又係兩手空空而回.
原宿逛完, 回新暫再逛, 老婆想買 Uniquo, 好彩新宿好多間, 誤打誤撞, 去了間百貨公司入面既 Uniquo 逛, 今次老婆終於買到野 (開心), 而當然, 我同兩個囝囝都有斬獲, 買完野, 返酒店放回東西, hea 一 hea, 再出去吃回轉壽司, 回轉壽司係老婆一來到日本時說著要吃的, 因為肯定比港澳的正宗, 唔感受一下都對唔住自己, 休息完後, 找了間回轉壽司店吃, 果然味道同港澳的完全唔同, 而且仲好抵食, 牡丹蝦壽司只需￥200, 真係有D過份, 唔食點得, 當差唔多食完, 點了個綠茶雪糕比浚浚食, 浚超開心, 也有分享給我們, 次後說了 「媽咪, 雖然我唔想食壽司, 但我都有陪你食到, 係唔係好乖啊」我老婆聽了一頭霧水, 於是我笑著解釋, 剛才買衫時, 浚浚聽到話今晚吃壽司, 於是對我說：「爹爹, 我唔想再吃壽司了」, 因為這幾天可能吃得多飯團, 所以冇吃壽司既興趣, 但我同浚浚說「媽咪想食喎, 我地要讓女孩子麻, 係唔係? 浚浚哥哥而家大個了, 要識得讓女孩子架」於時浚浚就欣然答應, 所以就產生左佢吃壽司後對老婆既說話, 老婆聽了心裡很感動, 又很開心, 而我覺得浚浚哥哥大個了.
沒有留言:
張貼留言