今天, 我們既行程是 Disneyland, 亦是重點行程之一, 但開始這個行程前, 就是我 plan 今個旅程既重點時刻, 今天 12月 23日, 十年前今日, 我們結婚了, 所以整個旅程, 今天對我來說也是個重點.
今天也是在酒店吃早餐, 當然是我安排的, 在出房門後, 我將一份禮物交比浚浚, 然後叫浚浚走去找媽媽, 要對媽媽說 「祝你結婚十周年快樂」, 這是老婆意想不到的, 因我刻意在旅行前已送禮物給她, 所以, 我百分百肯定佢定會覺得驚喜, 嘻嘻…..(太自大了)
早餐後, 前往 Disneyland, 原本酒店有 Disney bus 可直達, 因已 full 位, 唔緊要, JR吧, 由新宿至東京駅, 再前往舞浜, 一出車站, 已感到 Disney 既氣氛, 入到樂園, 拿個 Fast Pass, 就排隊玩 space mountain, 由於要排80分鐘, 我就帶浚浚租部 BB車, 再去找了樂園內的卡通人物影相, 終於到我地玩了, 原來 space mountain是個過山車遊戲, 我同浚更坐最前排, 難為了浚浚哥哥, 浚浚在驚慌下玩過了過山車, 還以為他會大哭, 但意想不到地他沒哭, 也沒發脾氣, 只說下次唔玩過山車, 之後, 我地買過爆米花小食, 又夠時間玩 fast pass既機動, 點知又係有D速度既, 又再一次對唔住浚浚哥哥, 剛好, 時間剛剛時下午3點多既巡遊, 找了個第二排位置, 買了漢堡飽等食物, 欣賞非常漂亮既花車巡遊.
欣賞過後, 陪浚去排除玩他最愛既巴斯光年, 要排100分鐘, 還好浚浚剛有點睡意, BB車有用了, 浚浚在睡了差不多一個多小時後, 起身等了會, 有得玩了, 看到哥哥玩得很開心既笑容, 甜晒.
玩過巴斯光年, 天色已黑, 也差不多到晚間巡遊, 於是在附近拍拍照後, 找了個合適既位置睇晚間巡遊, 非常靚, 比下午的巡遊不論在花車數量及美觀上, 有過之而無不及, 很值得去睇.
欣賞過後, 還玩了多兩三個games, 之後也到了樂園關門的時間 (晚上 10:30), 要走了, 由早上玩到晚上, 真係有 D 攰, 再加上浚浚都開始眼瞓了, 大力士爹爹又要出動, 一抱又差不多個半小時, 但怎樣也好, 今天真是很開心, 有得玩, 有得食, 又買到想買的東西, 感恩了.
沒有留言:
張貼留言