起身打開窗簾, 有陽光, good good good, 太好了, 洗面換衫後, 出去吃早餐, 都係係酒店對面有間 café, D野都唔錯, 好食, 食食食………..
早餐後, 出發去築地市場, 酒店附近 1分鐘步程, 到『都庁前駅』坐 大江戶線 , 20分鐘多點直達築地, 由於我地太晚去, 當然見唔到漁市場既熱鬧情況, 但都同浚浚入去市場逛了逛, 在附近買了點東西, 之後排隊等食壽司了, 又再辛苦老婆排左成個鐘頭隊, 我同浚浚在附近周圍逛, 買下野, 食下小食 (當然有分享比老婆食既), 終於到我地入去食新鮮好味既壽司喇, 真係好好食, 只能用以下幾個字形容：鮮、正、掂, 其間浚浚扭左一陣計, 壽司師傅仲免費使左客壽司比浚浚食, 多謝. 今餐, 2 set 壽司另加2件海謄壽司, 約￥8000, 抵食, 最緊要係有質量.
去過築地, 下一站《台場》, 搭 百合海鷗號 高架輕軌, 沿途又可欣賞風景, 大約 20分鐘左右, 到台場了. 落車後, 先將在築地買既東西寄存係站內既 Locker內（￥300）,唔駛攞住走, 方便晒。
去到台場, 第一站去了 Venus Outlet, 尼個 Outlet 唔多合心水既東西睇, 係第二站既 Diver City 好D, 最緊要係多 D 我地想買既品牌, 又多D野食, 又有野玩, 我諗Decks應該都唔錯, 但今次冇時間去, 下次先去. 在 Venus Outlet有咩野買野, 食左拉麵, 食左雪糕, 睇左車, 然後行去Diver City (在台場真係好鬼方便), 由於天色已黑 (其實約6點左右), 行到 Diver City 遠處已望到著左燈既高達, 好震撼啊。
影左幾張相, 唔好浪費時間, 去shopping, 我就買左對 Vans即著走, 裡面仲有 Uniquo, 老婆都買了唔少, 不過大部份時買比人地同埋兩個囝囝, 之後, 由於吃過拉麵, 唔太肚餓, 去左品嚐日本既M記, 兒童樂園餐好有心思啊, 我地係 Diver City留到大約9點多就回酒店了。
返到酒店, 我同浚浚回房沖涼, 老婆去買點東西及宵夜回來, 期間發生了點趣事 (冒著比老婆打既風險爆料), 話說, 我同浚浚先回房沖涼, 老婆去買野, 我地沖完涼後, 出來仲未見到老婆返酒店喎, 於是我陪浚浚在邊玩邊等宵夜啦, 突然房間電話響起, 冷…..冷冷……..冷……冷冷………, 覺得奇怪, 邊個打電話來房間, 一拿起聽, 是把熟悉既聲音, 冇錯, 是我老婆, 「阿祖, 閉啦, 我上到20樓都搵唔到我地個房間呀, 我話, 咁邪, 你記唔記得房號, 記得, 2052麻, 成層都冇2052呀」正當覺得好邪之際, 我問老婆, 「尼間酒店分南館及北館, 你有冇行錯啊, 老婆回答, 係咩」經過一輪了解後, 呵呵呵, 大頭蝦老婆走錯左, 不過, 總算平安回房.
待續…………..
沒有留言:
張貼留言