2015戀戀沖繩-親子家庭篇DAY4

7月30日 (星期四)

早晨，今日要從沙灘酒店回市區酒店，有D唔舍得咁舒服既環境，起身後第一件事，打開窗簾出露台啦，然後食過靚海景早餐就CHECK-OUT了。

 

今日既行程係去殘波岬，沿途經過白白小教堂影埋相，之後就去漁市場食野，再回DFS店還車再自由活動。

 

一切妥善CHECK-OUT，出發，今次去殘波岬走高速，費用¥480，但好順好正，時常唔經唔覺超速左，車程大約1小時15分，先到達浪漫小教堂，由於係私人地方，我地又冇預訂，唔入得，只有在外面拍照留念。

 

殘波岬：沖繩縣中頭郡読谷村字宇座 Tel: 98-982-9216 (推介指數＊＊＊＊)

拍照後，再駕車大約10分鐘，到左風景優美既殘波岬，好晒 (因當時已接近12點) 但都係哥句，好在有海風。上埋殘波岬既燈塔，登塔費每人¥480，記住，係冇電梯既，要行大約8層樓高度既樓梯，細佬全程上落都要自己行，勁，辛苦了媽咪，而哥哥上到塔上有D畏高，但都勇敢地一齊欣賞一陣風景 (因為利誘哥哥之後有雪糕食)。

 

  

  

  

    

落塔後，食下雪糕抖下，仲影下D招牌相添。

 

  

殘波岬後，出發去漁市場，由於在那霸市區，有點塞車，車程大約1小時15分。

泊lyumachi魚市場（平價海鮮市場），那霸市港1-1  . Tel: +81-98-868-1096
 "http://www.odnsym.com/spot/tomariyui.html"
地點：＊＊＊＊＊（位於市區，超方便），自駕外面有泊車位，但車位唔多
食物：＊＊＊＊＊（新鮮抵食）

　

 　

 　

 　

食完海鮮，回酒店CEHCK-IN，細佬同兩老休息，順便晚上幫忙照顧細佬，妹妹和妹夫自由活動，我、老婆帶埋哥哥自由活動並親子一番，在DFS還車後，帶老婆去朝聖（老婆指定要去地點），冇錯，就係每位有小朋友既家長黎到都瘋狂既 – 西松屋，真係買左唔少野。

　

買完野要返酒店放底戰利品後再出國際通食野、行街同埋買野。

　　

由於今日係嫲嫲生日正日，唔少得比個SURPRISE嫲嫲，買左個期間限定既CHEESE CAKE回酒店同嫲嫲慶祝。

　

 　

第四日行程又完滿結束，瞓前要執好行李才能安樂瞓覺。