2015戀戀沖繩-親子家庭篇DAY2

7月28日 (星期二)

一早起身後，在酒店食埋早餐，早餐唔錯，值＊＊＊＊級，日式西式樣樣有，GOOD，早餐後，寄存兩件大行李在酒店（因為最後一晚我地都係住尼間酒店，所以寄存唔駛其後兩日行程咁多行李），之後出發下一站。

　

 

坐單軌車兩個站，到OMOROMACHI站，出站就係DFS，亦即係今次行程取車點，由於人多，租用左1台8人車 (好在自己都揸開7人車，加埋沖繩交通都OK，完全冇難度)。

　

 取車第一個點，去附近既首里城，陽光天氣超OK，風景一流，又可以比哥哥學點歷史，睇睇書本中見到既野，唔錯，真係一個影相、學習、旅遊既好地點（評 ＊＊＊）。

   

　

　

　

去完首里城後，由於大家都未肚餓，原定午餐既安排改左，變為直接駕車去海灘酒店，又可比兩老同埋細佬抖抖，車程中會經過萬座毛睇睇優美風景。

　

大約駕車40分鐘，途經中途休息站，停埋去買D小食再出發，之後好快到萬座毛，由那霸市自駕到萬座毛大約車程80 – 90分鐘左右。萬座毛風景真心靚，雖然晒但有海風，絕對冇熱既感覺，但記得都係要塗防晒。（評 ＊＊＊＊）

　

　

　

　

　

睇完靚風景，又有靚心情，繼續前往沙灘酒店，由萬座毛大約駕車20分鐘就到了，望住沙灘，GOOD GOOD GOOD。

喜瀨海灘皇宮酒店 (KISE PALACE BEACH HOTEL)：
〒905-0026 沖縄県名護市字喜瀬115-2

TEL（0980）52-5151   Map code: 206 413 799*01

喜瀨海灘皇宮酒店簡評：
房間面積：＊＊＊＊＊（房間面積絕對夠大，大約350平方尺）

裝修及潔淨度：＊＊＊（一般，是絕對可以接受到的範圍，感覺都OK以上）
服務：＊＊＊＊＊（前台接待人員態度親切，懂簡單英語，住房期間有BB車借用）
交通：＊＊（自駕會方便點）
酒店設施：＊＊＊＊＊（對住個酒店專用沙灘已經好GOOD，加埋每間房必定對住海景）
附近購物飲食：＊＊＊（酒店附近步行範圍內有24小時便利店，餐飲除酒店內之外《但酒店內的餐飲價錢唔貴，質素GOOD》，一定要自駕外出搵野食）

攞房後，嫲嫲同細佬留酒店瞓覺休息，我地就出車去搵野食，在附近搵到間食意大利特式小食，味道唔錯。

 

 

 

 

 

 

食完野返酒店途中係LAWSON補充下晚上既零食，LAWSON後面係一個玩水上活動既沙灘，我就係LAWSON買左尼杯LATTE CAFE沙冰。

  

 一行人返到酒店細佬仲未醒，瞓到差唔多六點多叫醒佢，趁天仲未黑，落左沙灘玩左一陣沙，沙灘好多寄居蟹，巧得意啊，盡慶後出車搵地點食晚餐。

  

 

 

去左一間傳統日式的琉球料理店，要脫鞋入去半跪半座咁食，又有人唱歌助慶，扮住日本人食野，好有風味，跟一般旅行書推介的旅客常去餐廳感覺不一，更能體會當地文化，能比兩兄弟有此感受，旅行中體會文化，GOOD GOOD GOOD。（食物質素環境：評 ＊＊＊＊）

　

　

　

　

 (食物太多，入左肚先，嘻嘻……)

晚飯後附近其實冇咩地方行，就返酒店HEA，等哥哥瞓後，我就走出個全海景露台欣賞風光，睇睇滿天星又影下星，真心正。

扮晒野中.......

望下錶，嘩！一點半，要瞓喇 GOOD NIGHT。