冇錯，梗係唔係真雞啦！H7N9嚴峻啊！尼種劏雞其實係音樂方面既劏雞 - 小提琴是也。
記得浚浚哥哥第一次接觸小提琴是在K1暑假時參加4堂興趣班開始，喜愛好動既浚浚哥哥當然興趣唔大啦！到K2開學時，小提琴啟蒙班可以繼續喎，之前上左4堂，買左個琴，諗住再比浚浚哥哥試玩，10月中開始至12月期間，已上了數堂，但浚浚仍似遊魂一樣，完全提唔起勁，我同老婆都吐了唔知幾噸血了，當時都覺得，小提琴尼D咁靜既興趣真係唔適合浚浚（唯一一種能令浚浚靜靜地做的興趣 - 就是畫畫了）佢鐘意走想走去，無時停，但報了名亦唔想中途放棄，這樣對浚亦唔好，會比佢養成容易放棄既性格，於是乎，我地同浚浚哥哥約法三章，對他說，我們不會迫你，但至少你要好好完成這個課程，唔好輸比自己，以及，我倆更鼓勵浚浚，若他能堅持及能拉出一首完整既曲，我們會有所獎勵。
唔知真係咁Q，在2013年12月初小提琴老師真的要教啟蒙班既小朋友拉首曲（瑪莉有隻小綿羊），之後仲話，在新年前的1月28日將安排大家表演，浚浚哥哥知道可以表演，好開心，好期待，但身為家長既我們，真的是有點不能相信，12月初至表演期間，只有4至5堂，真的可以嗎？
但結果出來了，真的是可以，我事前完全低估了浚浚哥哥，以為今次慘了，但在學習及努力練習下，見到浚浚不斷在進步中，至12月尾他已能完全拉到這首曲，當然不是太完美，但在我心中，我已覺得好動聽。
時間過得好快，到了1月28日，早上8點半左右浚浚哥哥如常返學，放學後要在學校排練，在晚上6點半弦樂會開始，而啟蒙班的小朋友是安排在最後表演（約8點20分），各位小朋友要在現場等候1個多小時才到表演，對4歲多的幼童由早上8點半開始回校，至等待到表演時，已足足在校12小時，真的辛苦你們了，但你們真的是很叻很叻，捱過了，在看浚你們既表演時，雖然我也是手持相機不停向著浚浚哥哥影相，但係，浚浚哥哥，我是有細心在聽的，在我耳中，係聽到悅耳感動既樂曲，我全接收了。
表演過後，在回家路上，我問子浚哥哥，參加演奏會感覺如何? 浚浚同我講，好好玩，好開心，好想再玩。我再問你唔係唔鐘意小提琴嗎？他回答【唔係，梗係鐘意啦！】。
有了成功感後，開始了微微的興趣了，浚浚，你要堅持啊！
我只能係度再說一片：【阮子浚，你好叻，我知道你付出了，我很感動，很開心，開心唔係因為你可以參加表演，而是你長大了，子浚，要繼續努力，前路還很長，你現時每一步也是你將來成長的見證啊！】
沒有留言:
張貼留言