今年, 對我本人及我家庭來講, 是一個極具意義既一年, 因為在年初 1月 16日, 新成員來到我家庭了, 細佬出世了, 辛苦了老婆為我帶來兩個精靈活潑可愛及我覺得好靚仔既囝囝, 為感謝老婆, 又想帶哥哥開開心心地去旅行, 適逢澳門回歸假期、冬至假期、聖誕假期及加上補假, 有連續6天放假日, 所以一早 plan 好這幾天出去玩玩, 有諗過去大阪, 諗過去首爾, 最後還是決定去東京, 12月20日出發, 12月24日回澳, 因為細佬太細, 冇帶細佬去, 有點遺憾, 所以要趕及聖誕節回澳同細佬一齊渡過, 日後我們一家四口會再次去東京的.
今趟東京之旅, 其實又別具意義的, 因今年剛好同老婆結婚10周年, 一定要好好慶祝, 比個 “十派s” 老婆先, 好喇, 講咁多廢話, 東京之旅旅遊日誌正式開始.
今次旅行名稱：2013錫婚東京好好玩
12月20日 零晨三點多, 閙鐘響起, 係時候起身刷牙洗面換衫出發了, 因為我地搭8點多香港飛既早機, 所以, 唔早點出發都唔得, 還好, 哥哥冇扭計, 仲好配合, 可能太過興奮吧, 準備好一切, 出發了.
在去程, 船上遇到點阻礙, 行李太多, 迫得滿船爆滿, 船長唔肯開船, 還好, 有驚無險地只是延誤了20分鐘就開船. 到達機場, 入到候機位置, 剛好天亮, 好靚既晨光, 欣賞了一會, hea 左一hea, 係時候上機了.
吃過飛機餐, 睇左套戲, 好快抵達東京了, 慘喇, 望見機外在落雨中, 唔係掛, 真係令人擔心, 落機、過關、取行李, 指定動作做晒, 出去乘坐預訂好飛既機場巴士, 可以直達今次我地住既新宿 Keio Plaza, GOOD!!!!! 坐車沿途冇咩野睇, 因為不停在落雨, 算吧, 唔好擔心, 好好享受我地今次三口子既旅程（其實我地有帶同代表細佬既公仔一齊旅行架）, 大約2小時車程, 來到酒店了, Really Good, 房間夠大 (記得以往去東京住既酒店房間超細, 今次真係唔錯, 下次再住), 地點好, 附近有野食, 有野買, 酒店亦有 Disney Bus 直達 Disneyland, 唔錯既配套, 放低行李, 休息一會, 出去醫肚, 臨行前, 係酒店既靚靚大堂同顆靚靚聖誕樹影幅相先……..
問酒店借左把傘, 出發, 在離酒店約 1分鐘步程, 已搵到幾旺既地點 (當然唔係新宿最旺既地方啦), 幾條井字交錯既行人區入面, 亦有幾十間食店, 我地搵左間較地道既食店去食, 入到去, 好暖, 暖到熱哥種, 第一件事 ------- 脫衫 (這是整個行程既慣常指定動作), 叫野食, 好好食呀…………….
食完野, 6點幾差唔多 7點, 不能走遠, 只好在附近逛逛, 見到夾公仔既地方, 當然我地唔會放過佢, 去玩囉, 原來尼D夾公仔地方16歲以下唔准入架, 我就入內夾左陣, 老婆同囝囝係外面幾台夾零食的機玩, 囝囝都唔弱, 夾左唔少零食 (尼D零食回澳後仲未食晒, 嘻嘻…..), 再逛了陣, 搵到間連鎖藥局 (只是這幾條街, 已有8-10間該藥局), 黎日本買藥, 都係指定動作之一, Gogogo……就這樣, 兩大袋了, 逛到9點幾, 去 Lawson買了野返酒店食 (每晚指定宵夜：杯麵、喱、飯團、維多C、有時還有水果) , 之後好好休息, 明天正式開始行程.
忘記講講第一晚係酒店既有趣事, 浚浚由於第一次接觸日本既多功能座廁, 多手既佢邊坐在廁所上享受去廁所既樂趣, 邊多手地攪座廁上既掣, 突然我地聽到大叫, 有個小朋友喊住出來, 原來, 浚浚按了個清洗掣, 有條喉管伸出, 向他的pat pat噴水, 嚇到浚浚即時彈起, D水仲噴濕佢件衫褲, 見到這樣, 真係好好笑 (我地兩公婆真無良), 後來, 浚浚也由喊變成大笑了, 諗返起都想笑。
待續…………..
沒有留言:
張貼留言